4.10 Ne plu reguloj

Ĝis tie ĉi la bazaj derivreguloj. Aliaj ekzistas por pli kompleksaj aferoj (temas pri kvantoroj kaj du pri vero kaj falso, kiujn mi klarigos poste), sed ĉi tiuj naŭ estas sufiĉaj por provi pruvi la validecon de iu ajn derivo en tiu dokumento (escepte tiuj pri kvantoroj...).

Rememoru ke ne plu reguloj estas bezonataj: oni ne povas ŝanĝi de $A\vee\neg A$ al $\blacksquare$ (vero) direkte, nek de $\neg(A\vee B)$ al $\neg A\wedge\neg B$, nek uzi asocian, distributan aŭ komutan regulon. Oni devas agi paŝon post paŝo; nek eĉ la simplaj ŝanĝoj estas permesataj (dume). Kial? Ĉar plej eble ili ne estas tiom simplaj kiom vi kredas: oni komprenos tion kiam estos pruvenda ke $A\vee\neg A$ estas ĉiam vera... (ĉe la sekva sekcio).